2023年1月30日發佈 本土教育

新竹市 香山國小 陳慧玲報導

絲仔印初體驗
用絹印品味新年的美好
檔名:20231301220259681.jpg 檔名:20231301220259682.jpg

母語是生活中的一部分,秋芬老師結合絹印的創作讓孩子體驗過節的氣氛,藉由親手製作寓意吉祥的紅包袋,聆聽著「遊台灣」的曲調,品味著台灣古早味和各地台語的腔調,孩子們跟著輕快的旋律,一邊繪製絹印版,一邊哼著台語歌詞,未來,想必一說起台語,腦海中便會浮起一幅幅絹版的美麗回憶,和童年屬於母語的珍貴軌跡。

以下台文撰稿為蔡秋芬老師原作

絲仔印初體驗
    初開學的時,接著學校老師傳來的信息,母語結合創作,問阮敢有興趣欲試?「當然嘛有!台語加手作,正正是阮上蓋煞心意愛的代誌。」
    欲來予學生囡仔奕啥物咧?阮搜tshuē進前的記持,傳送幾張仔相片和記錄予益華老師鼻芳一下。「攏會使,秋芬老師決定就好!」「Suᅪ氣!按呢就決定學期收束進前來做絲仔印,拄拄年兜近u￁,予學生囡仔印製家己隨人獨一無二的紅包lok仔,百面是難忘的回憶!」
    五義這班雖罔是這學期新接的班級,不而過in班台語程度bē-b￁i,向心力tsāi,導師khi￀ng跤、俠女性地,在在攏予阮真欣賞kah意。䢢拄䢢in班規矩好慧根懸,進度超前,su￁兩節課來做絲仔印現現是天意。
    寢頭仔,阮先和囡仔紹介開破原理「陽印」、「陰印」,攑鉛筆先畫草稿,su￀落來用大支水彩筆￙n壓克力顏料共外圍大面積的所在塗色,愛塗到啥物地步?塗到bē通光為止。囡仔兄囡仔姊目色巧跤手猛,第一節課的進度順序完成。
    第二節課阮接su￀講重點:「這節課換幼路的工課路,攑細支的水彩筆共圖案四khoo圍仔斟酌畫予詳細,才閣全部上第二層的顏料。參第一節課相siāng,原則是愛塗到bē使通光。開始!」
    眼著學生囡仔頂真注神,規班恬靜,阮su￁手揤電腦點歌詩。陳亞蘭kiau詹雅雯所合唱的「遊台灣」,曲調輕快,歌詞趣味,掛會當鬥搭五年仔新舊地名的課程,熟似各地的腔口差和台灣好tsia̍h-mi̍h,聖聖真四序。幾个仔較活骨的查埔囡仔跟tu￈旋律,那畫圖那幌頭,害阮起愛笑。向望久久以後,lᅪn若憶起台語課,會記得彼年畫過絲仔印、做過家己設計的紅包lok仔,留落歡喜幸福的印記。

檔名:20231301220259683.jpg
檔名:20231301220259684.jpg

香山國小校園新聞 回上一頁